ਤਾਜਾ ਖਬਰਾਂ
.
ਬ੍ਰਾਜ਼ੀਲ ਦੇ ਗ੍ਰਾਮਾਡੋ ਸ਼ਹਿਰ 'ਚ ਐਤਵਾਰ ਨੂੰ ਇਕ ਛੋਟਾ ਯਾਤਰੀ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ। ਇਸ ਹਾਦਸੇ 'ਚ 10 ਲੋਕਾਂ ਦੀ ਮੌਤ ਹੋ ਗਈ। ਰਾਇਟਰਜ਼ ਦੇ ਅਨੁਸਾਰ, ਜਹਾਜ਼ ਪਹਿਲਾਂ ਇੱਕ ਇਮਾਰਤ ਦੀ ਚਿਮਨੀ ਨਾਲ ਟਕਰਾ ਕੇ ਫਿਰ ਉਸੇ ਇਮਾਰਤ ਨਾਲ ਟਕਰਾ ਗਿਆ। ਇਸ ਤੋਂ ਬਾਅਦ ਨਜ਼ਦੀਕੀ ਫਰਨੀਚਰ ਦੀ ਦੁਕਾਨ 'ਤੇ ਕ੍ਰੈਸ਼ ਹੋ ਗਿਆ।
ਏਰੀਆ ਗਵਰਨਰ ਐਡੁਆਰਡੋ ਲੀਤੇ ਨੇ ਸੋਸ਼ਲ ਮੀਡੀਆ ਪੋਸਟ 'ਚ ਕਿਹਾ- ਮੈਂ ਸਟੇਟ ਡਿਫੈਂਸ ਫੋਰਸਿਜ਼ ਦੇ ਨਾਲ ਗ੍ਰਾਮਾਡੋ 'ਚ ਜਹਾਜ਼ ਹਾਦਸੇ ਵਾਲੀ ਥਾਂ 'ਤੇ ਹਾਂ। ਫਿਲਹਾਲ ਐਮਰਜੈਂਸੀ ਟੀਮਾਂ ਘਟਨਾ ਵਾਲੀ ਥਾਂ 'ਤੇ ਬਚਾਅ ਕਾਰਜਾਂ 'ਚ ਜੁਟੀਆਂ ਹੋਈਆਂ ਹਨ। ਸ਼ੁਰੂਆਤੀ ਜਾਣਕਾਰੀ ਤੋਂ ਪਤਾ ਲੱਗਾ ਹੈ ਕਿ ਜਹਾਜ਼ 'ਚ ਸਵਾਰ ਕੋਈ ਵੀ ਯਾਤਰੀ ਨਹੀਂ ਬਚਿਆ ਹੈ। ਸੂਬੇ ਦੇ ਪਬਲਿਕ ਸੇਫਟੀ ਦਫਤਰ ਮੁਤਾਬਕ ਘੱਟੋ-ਘੱਟ 15 ਲੋਕਾਂ ਨੂੰ ਗੰਭੀਰ ਹਾਲਤ 'ਚ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ।
ਸਥਾਨਕ ਮੀਡੀਆ ਮੁਤਾਬਕ ਇਹ ਜਹਾਜ਼ ਪਾਈਪਰ ਚੇਏਨ 400 ਟਰਬੋਪ੍ਰੌਪ ਸੀ, ਜਿਸ ਨੇ ਗ੍ਰਾਮਾਡੋ ਤੋਂ ਕੈਨੇਲਾ ਸ਼ਹਿਰ ਲਈ ਉਡਾਣ ਭਰੀ ਸੀ। ਉਹ ਕ੍ਰਿਸਮਸ ਲਈ ਮਸ਼ਹੂਰ ਸੈਲਾਨੀ ਸਥਾਨ ਫਲੋਰਿਆਨੋਪੋਲਿਸ ਜਾ ਰਿਹਾ ਸੀ। ਗ੍ਰਾਮਾਡੋ ਦੱਖਣੀ ਬ੍ਰਾਜ਼ੀਲ ਵਿੱਚ ਇੱਕ ਮਸ਼ਹੂਰ ਸੈਰ-ਸਪਾਟਾ ਸਥਾਨ ਹੈ, ਜੋ ਆਪਣੇ ਜਰਮਨ ਆਰਕੀਟੈਕਟਾਂ ਅਤੇ ਸੁੰਦਰ ਪਹਾੜੀਆਂ ਲਈ ਜਾਣਿਆ ਜਾਂਦਾ ਹੈ। ਕ੍ਰਿਸਮਿਸ ਕਾਰਨ ਇਸ ਸ਼ਹਿਰ 'ਚ ਸਰਗਰਮੀ ਵਧ ਗਈ ਹੈ। ਦੁਨੀਆ ਭਰ ਤੋਂ ਇੱਥੇ ਸੈਲਾਨੀਆਂ ਦੇ ਆਉਣ ਦਾ ਸਿਲਸਿਲਾ ਜਾਰੀ ਹੈ।
Get all latest content delivered to your email a few times a month.
